Indo-Bangladesh army training agitsü

Shillong, January 31 (Agencies): February 3 nungi Meghalaya kübok Umroi nung anogo 14 nü Indo-Bangladesh joint military training exercise tenzüktsü.
Iba exercise dang Sampriti-IX ta ajar aser Indo-Bangladesh defence cooperation nung shilem ka lir, ta defence ketdangser kati ashi.
Military training agiba dang masü saka Army ana tsüngda tali angatetteptsü aser tesentaktep akangshitsü nükjidong nung iba sentong agir, ta paisa shisem.
Joint military exercise mapang Command Post Exercise (CPX) aser Field Training Exercise (FTX) agitsü, ta paisa metetdaktsü.
“CPX aser FTX nung linük anaprong nungi Army anati UN Charter kübok counter-terrorism nung külemi inyaktsü tesayuba agütsütsü” ta paisa ashi.