Indo-Myanmar arrtsü anasa sepaitem amak

Dimapur, September 27 (TYO): September 27, 2017 anepdang Indo-Myanmar arrtsü nung telungpurtemi Indian Army column ka dak injang khaloktsü, ta PRO (Defence) Col C Konwer-i tanü sangdong ka nung metetdaktsü.
Iba mapang sepaitemi meyiper telungpurtem dak injang khaloktsü. Idangji telungpurtem tesem toktsür jena ao. Iba tatalokba nung sepaitem shinga yiruyibong mesüra tasüba majuru, ta Col C Konwer-isa ashi.
Iba tesem nung arrtsü adena oa inyakba mapa kecha meinyak, ta paisa nenshia metetdaktsü.