Indonesia Masters: Sindhu o Srikanth na 2 buba round tongogo

Malang, December 02 (Agencies): India’er badminton asayar mongin, PV Sindhu aser Kidambi Srikanth nati par 1 buba round asaya koka tang tasayadak Indonesia Open Grand Prix Gold asayamong 2 buba round asayatsü jenjang tanü Bodbar nü nguogo.
Taoba hopta Macau Open Grand Prix Gold asayamong takok marok agizükla, Sindhu-i tanü points 21-16 19-21 21-12 ngua Indonesia tsür, Gregoria Mariska tsükdaktsüba sülen tetsür singles shilem indang 2 buba round asayatsü jenjang angu.
Tan asayamong nung temaba jenjang abenla, Sindhu-i Indonesia tsürsa, Wulan Cahya Utami Sukoputri den 2 buba round asayatsü lemzüka lir.
Tebur singles shilem nung Srikanth-ia tanü points 21-6 21-12 ngua Indonesia nunger Wibowo Setyaldi Putra madak takok ngua 2 buba round-i ai.
Tebur World No. 8, Srikanth-ia Indonesia nunger Saputra Vicky Angga den 2 buba round asayatsü lemzükogo.