Indonesia Masters tanabuba round nung Sindhu o Saina na asayatsü imlar

Jakarta, Aenjeti/January 13 (Agencies): Olympic medallists PV Sindhu aser Saina Nehwal na Indonesia Masters Super 500 asayamung tanabuba round nung asayatsü imlar. Iba asayamung ya Mongolbarnü tenzüktsü.
Malaysia Masters nung Sindhu o Saina naprongla kanga junga asaya tenzük saka quarterfinals nung tsükatok.
Mezüngbuba round nung Sindhu Japan tsür Aya Ohori den asayatsü, shiba lai taoba hopta kokogo aser kasa mapang nung Saina-a Japan tsür Sayaka Takahashi den asayatsü.
Asayar anapronglai mezüngbuba round akoktsü imlar aser tena tanabuba round nung asayatsü.
Tena tsüngda asaya Sindhu-i khen aser Saina-i asemben ta koka lir.
Sindhu-i Premier Badminton League nungbo Saina ishibenbo kokogo saka international jenjang nungbo lai Saina mekokteti arudar. Tatemsa 2018 Commonwealth Games final nung Saina-i Sindhu koka liasü.
India nunger tanga asayartem rongnung Kidambi Srikanth mezüngbuba round nung Indonesia nunger asayar Shesar Hiren Rhustavito den asayatsü.
Tebur kija asaya nungsa World Championships bronze medallist B Sai Praneeth, China nunger asayar Shi Yu Qi den asayatsü aser Parupalli Kashyap aser H S Prannoy na Anthony Sinisuka Ginting aser Jonatan Christie den asayatsü. Taoba hopta tenaprongla world no 1 Japan nunger asayar Kento Momota-i tsükdakja liasü.
Maneni Sameer Verma mezüngbuba round nung Tommy Sugiarto den asayatsü.
Tebur tarep asaya nung Satwiksairaj Rankireddy o Chirag Shetty na Indonesia nunger asayar Mohammad Ahsan aser Hendra Setiawan na den asayatsü aser tetsür tarep asaya nung Ashwini Ponnappa o N Sikki Reddy na Japan tsür Nami Matsuyama o Chiharu Shida na den asayatsü. Tarep temeyoktep asaya nung Satwik o Ashwini na Ireland nunger tarep Sam Magee o Chloe Magee na den asayatsü. Ano Pranaav Jerry Chopra o Sikki nata qualifier tarep ka den asayatsü.