Indonesia nung rong meküpokdang asür 7 nguogo

Jakarta  October 9 (Agencies) : Indonesia anülulen ayong ka nung rong meküpokba lendong ka nung asür parnok nisung 7 indang tasümang tzü nungi agitetogo, ta Deobarnü disaster agency ketdangser kati ashi.
Iba lendong ya Indonesia Java province anüdoklen aliba Bengawan Solo ayong nung Hokolbarnü atalok.
“Mongui bushitepa aliba tasümang ajak ngua agitetogo,” ta ketdangser jagi ashiba Xinhua news agency oang ajanga metetdaktsü.
Rong nung mena aliba nisung 18 bo kümzüka tzükümi anir aruogo aser iba rong ya   nisung tali amenba ajanga meküpok, ta ketdangser jagisa ashi.