Indonesia nung tayimtsü ka tsüok

Jakarta, August 16 (Agencies) : Deobarnü Indonesia kübok Papua tesem nung nisung 54 amenba tayimtsü ka tsüok, ta sorkar ketdangser kati metetdaktsü.
“Iba tayimtsü tsüokbaji yimdaklirtemi anguba osang metetdaktsü aser tang onoki osang tejangja bushidar” ta air transportation director general, Suprasetyo-i taonung osangbener dang ashi.
Deobar nikongtsütsü iba tayimtsü den tongtepratep samar bushiteptsü tenzük, ta National Agency Search and Rescue agency-ia metetdaktsü.
Tayimtsüji Jakarta nungi Oksibil-i aodang Papua nung lendong ajuru. Angazükba agi iba mapang Papua nung tsüngsang kanga mejungi liasü.