Indonesia Open: Saina quarterfinal nung tsükogo

Jakarta, June 03 (Agencies): India’er tongti tetsür badminton asayar, Saina Nehwal-i tamakok ajurua tang tasayadak Indonesia Super Series Premier badminton asayamong nung joko shilem magitettsüsa jenjang tamajung tanü, Hokolbar nü nguogo.

World No. 1, Spain tsür, Carolina Marin-i tanü minute 47 shi nung points 24-22 21-11 ngua Saina quarterfinal asaya nung tsükdaktsü.

Tan asayamong nung 8 buba jenjang abenla, Saina-i poins 7-13 ngua 1 buba set tekübokba jenjang nung asayatsü tenzükba sülen points 19-16 ngua temaba jenjang angu saka tatem nung Carolina-i points 24-22 ngua iba set-ji kokadok.

Carolina-i maneni points 21-11 ngua 2 buba set-a akokba yong lai arishi küm 25 tain Saina madak takok ngua semifinal asayatsü jenjang angu.

You must be logged in to post a comment Login