Indonesian ‘Karaoke Bar’ mi lentong nung 17 asü

Manado, October 25 (Agencies): Sulawesi asetkong, Indonesia nung aliba karaoke bar nung nisung aika lia mi adoka nisüng 17 rongset aser nisung 71 mokozü tamajung asüketba ajanga mozü kidang lir.
Tenük küli angutemi ketdangsertem dang ashiba agi, North Sulawesi province yimtiba, Manado nung atongtepa asüba ki ka nung aliba Inul Vizta Karaoke club nung iba mi lendongji tanabuba tatongtep nung anepdang 1:00 ako meta nungi adok. Lendong adokba mapang nisung noklang aika club nung ken tentepa liasü.
Iba lendong süngjemdaktsütsü asoshi fire-brigade nem osang agütsü saka parnopk kangasa menur ang tonga aru, ta aikati ashir. Ano arua tonger külena mi remseptsü asoshi firefighters temi mapang talangka agia liasü.
“Onoki iba tatalokba nung bushisüngdang mapa tenzükogo,” ta city police chief Col. Rio Permana-i metetdaktsüdak pai, iba mi ya short circuit ajanga adok alitsü ta bilemba shisem.
Pai, nisung karbo taoksa nung kijiba tsüngpoker ajen saka karbo mejenteti kanga okronga liasü, ta ashi.