Indore nung Khristan 2 apu

Bhopal, October 24 (Agencies): Government Railway Police-i Anita Joseph aser Amrit Kumar na apu aser tanur 6 Childline nem agütsü.
Hindu nunger teloktemi police dang Khristan kari Awantika Express ajanga tanur kar Mumbai-i anir aoer. Parnokji Mumbai nungi Kerala-i anir aotsüba liasü ta osang sangoktsü, ta Inspector Kunwarlal Warkade-i osangbener dang ashi.
Anita aser Amrit naji IPC nung Arrla 363 (nisung apuba) & Arrla 34 aser Madhya Pradesh Freedom of Religion Act nung Arrla 3 & 4 tem nung tai tongloktsü.
Tanurtemji Indore nung Scheme 78 kübok Christian colony ka nung alirtem lir, ta police-isa shisem.
Amrit Kumar-i police dang tanurtemji sarasadem sentong ka nung adentsü atema anir aoerba liasü ta ashi.
Tsüraburtemia tanurtem aini aobaji meteta liasü aser parnok meinoktsütsü atema train station tonga aru, ta police-isa metetdaktsü.