Indrani Mukerjea

Indrani Mukerjea ya 1972 küm November ita Guwahati, Assam nung aso.

Mezüng kinungbo               : Siddhartha Das den 1986 nungi 1989 tashi külemi ali.

Tanabuba kinungbo           : Sanjeev Khanna den 1993 nungi 2002 tashi ali.

Tasembuba kinungbo       : Peter Mukerjea den 2002 küm nungi tang tashi lidar.

Lai asoba tanurtem           : Sheena Bora, Mikhail Bora, Vidhie Khanna,

Tebu tenüng                         : Upendra Kumar Bora

Tetsü tenüng                       : Durga Rani Bora

2007 küm INX Media kibur (Peter Mukerjea) den külemi mapa inyak aser la idangji Chief Executive Officer (CEO) inyaka liasü. 2009 küm lai iba mapaji toktsü.  Taküm August ita lar jala Sheena Bora tepsetba ken o nung aija Mumbai police-i la apu.

1972 küm November ita nung Indrani Mukerjea, Guwahati nung (tebu Upendra Kumar Bora aser tetsü Durga Rani Bora) aso. La ya kinü asüdang Guwahati nung aliba mapang tsüraburi Pori Bora ta tenüng jatsür liasü.

La High school Guwahati nung züngtemer külen Lady Keane College, Shillong nung college azüng.

1986 küm Shillong nung Indrani-i Siddhartha Das ajurua dena ali. Idangji dena jala Sheena, 1987 küm February nung aser tanabuba jabaso Mikhail 1988 küm September ita nung moaja liasü.

1990 küm Indrani-i lar tanur anaji tsürabur den Guwahati nung doktsür la Kolkata nung Computer training agia ki para ka nung liasü. La Kolkata nungji ita ishika lir külen Indrani-i Sanjeev Khanna ajurua 1993 küm tanabenbuba kibong aküm. 1997 küm dena jala Vidhie aso aser 2001 küm Mumbai nung oa ali.

Ano 2002 küm Indrani-i Mumbai nungji Peter Mukerjea ajurua tanabuba tebuba Sanjeev Khanna den bala aser 2002 November ita nung tasembenbuba atema Peter Mukerjea den kibong aküm.

2005 küm Indrani tasembuba tebuba dang lar mezüng tanur Jala Sheena Bora aser Jabaso Mikhail Bora denaji la tenu-a ta shia metetdaktsü.

2006 küm kodang Sheena Bora-i tetsü  Indrani Mumbai nung lir ta angazük nung Sheena-a tetsü alidak Mumbai-i ao. Mumbai nungji Sheena St. Xavier’s College, Mumbai nung Bachelor of Arts degree 2006 nungi 2009 tashi azüng. 2009 küm Sheena Reliance Infrastructure nung mapa inyaktsü tenzük. Ano 2011 küm Sheena Mumbai Metro One company nung Assistant Manager mapa inyak. Iba mapang nungji Sheena Bora o Peter Mukerjea’er tanur Rahul Mukerjea den meimteptsü tenzük.

2012 küm April 24 nü Sheena mapa nung anentsü shidi zülu aser iba anogo nungjisa Rahul Mukerjea (Indrani tasembuba’er jabaso) dangi Sheenai la mobile phone ajanga dena mekazütsü ta SMS yok. Saka Indrani-bo lar jala Sheena-ji United States tazüngi ogo ta metetdakja liasü. 2012 küm April 24 nü nungibo Sheena Boraji kidangi meshilang.

2012 nungi 2015 tashi Mukerjea’er kinungertemji Worli, Mumbai, Bristol, UK aser Marbella, Spain nung melentepa lia senzür.