Infinix Note 5 Stylus India nung sayaogo

Yimpoksüi/November 26 (Agencies): Ita ishika tejakadang, Infinix-i ‘Note 5’ ta nüngja agütsüba mezüng Android handset ka India nung introduce süa liasü. Iba handset nung UI (User Interface) aser software tem ajungba atema shishilembadak takok ngua yoktetogo.
Tang Infinix-i kasa Note-series nung ajemdaker yangluba smartphone ka – Note 5 Stylus sangdongogo, aser handset tasenba ya taoba Note 5 den tatongtep asütsü kong X-Pen stylus ka densema alitsü.
Iba handset ya Luchii/December 4, 2018 nü nungi tenzüka Flipkart ajanga sen 15,999 agi angutsü.
Smartphone nung tongtibang feature ji X-Pen keta aliba ya asütsü aser company-i ashiba agi, X-Pen inyakyim ji Samsung Galaxy Note handset nung keta aliba X-Pen den kasa asütsü.
X-Pen ya handset tsünglanglen inoka yanglutsü aser aji spring teyari ka ajanga inoka yua aser agizüka amshtetter.
India shishilembadak Infinix Note 5 Stylus ya brand indang Android One handset tanabuba asütsü. Iba yongji, smartphone ya ‘Google program’ indang shilem ka kümogo aser user temi ita shii security update tem angutsü.
Software atema iba handset nung Google indang Android One OS nung amendaker yangluba Android 8.1 Oreo inoka yanglutsüogo.
Infinix Note 5 Stylus nung 5.93-inch FHD+ FullView display keta aliba angutsü. Iba den külemi handset tejaklen 2.5D curved glass inoka yanglutsüogo. 2.0GHz nung ‘clock’ süa yanglutsüba MediaTek P23 Octa-core SoC ajanga handset nem power agütsur, aser iba den yarisema 4GB RAM den 64GB onboard storage inoksema yanglutsü.
Connectivity atema handset nung Dual SIM aser Dual VoLTE keta lir aser 4000mAh battery ka ajanga tashi agütsütsü.
Handset nung AI Power Management aser 18W fast charging feature keta aliba angutsü koba Infinix-i X-Charge inoksema yanglutsü.
Company-i ashiba agi, ghonda ka charge asü nung battery süngadoker.
Camera tsütsü reprangdangra, Note 5 Stylus tejaklen aser tesülen AI-powered 16MP camera keta aliba angutsü. Tesülen camera atema Dual LED flash aser AI Auto scene detection den külemi camera mode tem talisa AI Portrait, HDR, Beauty, Professional aser tanga feature tem inoka yanglutsü.
Handset tejaklen selfie camera den yarisemtsü atema f/2.0 aperture, softlight flash ka aser camera mode balala keta aliba angutsü.
Infinix Note 5 Stylus ya sentsü tapu ana – Red aser Blue nung angutsü.