Infocus-i sen 5,499 alang Bingo 21 smartphone sayaogo

New Delhi, February 5 (Agencies): US nung smartphone yanglur Infocus-i smartphone series tasen kar sayaogo. Iba den külemi parnoki selfie smartphone tasenba, Bingo 21 dena saya.

Iba smartphone ya sentsü temesüng, anüng sentsü aser naring sentsütem nung Snapdeal ajanga February 11 nü nungi sen 5,499 agi alitettsü.

Infocus meyong Bingo 21 nung 4.5-inch FWVGA display den 854×480 pixels resolution keta lir. Phone nung 1.5GHz quad-core Spreadtrum processor den 2GB RAM enokja lir. Iba den külemi phone telung nung 8GB memory keta lir koba microSD card amshia 64GB kümtettsü.

Bingo 21 nung sim card ana amshitettsü aser Android 5.1 Lollipop operating system den company meyong Inlife UI ajanga phone rangben amshir.

Phone tesülen 8 Mega Pixel camera den tejaklen 5 Mega Pixel camera ketja lir aser anatsülen LED flash dena lir.

Phone nung 4G, LTE, 3G, WiFi, Bluetooth aser GPS amshitettsü aser phone nem 2,300 mAH battery ajanga tashi agütsür.

Phone series tasentem atema jembiba mapang InFocus India nung tekolakba, Sachin Thapar-i, “InFocus indang BINGO series phone tem ya tanga phone tem dang nungi design aser quality balaka lir. Item phone tem ajanga lanurtemi parnok jangraba mapa aika inyaktettsü. BINGO 21 ya selfie aginertem asoshi atakteta yangluba phone lir aser iba ya ajanga tajangshiba balaka agütsütsü, ta pai ashi.