InFocus-i sen 5,499 alang BINGO 21 Snapdeal nung sayaogo

New Delhi, February 11, 2016 : Bodhbarnü US company InFocus-i sen 5,499 alang pro-selfie smartphone, BINGO 21, e-commerce website Snapdeal nung sayaogo.

“Hopta ka tsüngda nung onok dang nungi BINGO 21 mangar parnok nisung 1,00,000 kümogo. Iba ya ajanga nüburtemi Bingo 21 ajanga tajangzük anguba angatetba onoki meteter,” ta InFocus India nung tekolakba Sachin Thapar-i sangdong ka ajanga metetdaktsü.

4G amshitetba smartphone nung 2GB RAM enokja lir aser ibaji ajanga phone kanga kara mapa inyaker.

Phone tesülen auto-focus aser LED flash dena aliba 18MP camera aser tejaklen self-timer den LED Flash dena aliba 5MP camera keta lir. Item camera tajung aliba ajanga selfie meimertem kanga pelateptsü.

Bingo 21 nung 4.5-inch screen lir aser SIM card ana amshitetter. Phone rangben atema 2,300 mAh battery ajanga tashi agütsür.

Iba phone nung Android 5.1 (lollipop) ajanga amshiba1.5 GHz Quad-core processor enokja lir aser telung nung 8GB memory lir koba 32 GB tashi küma ulutettsü.

Bingo 21 ya fashion white, naring sentsü aser anüng sentsütem nung angutsü.