Infosys-i 2015-16 küm nung sen crore 62,441 aatetogo

Bengaluru, June 18 (Agencies) : Information Technology (IT) tsütsü tama pur, Infosys company-i 2015-16 küm nung sen crore 62,441 aateta taoba küm dang nungi sen tsütsü noklang nung shilem 17.1 agi timba renlokogo, ta Infosys mendenbuba R Seshasayee-i 35buba annual general senden nung metetdaktsü.
Kodang US sen dollar tsütsü nungi reprangdangdir tan aatetbaji sen billion dollar 9.5 lir aser terenlokji noklang nung shilem 9.1 lir.
2015-16 küm aaba nungi teindoktsü ajak intoker tagitsü ajak agi noklang nung shilem 9.42 anüng, koba sen crore 13,491 lir. 2014-2015 kümbo sen crore 12,329 ang anünga liasü.
Bengaluru nung aliba Infosys ajanga taküm sen crore 2,79,837 aatetogo. 2014-2015 kümbo sen crore 2,54,771 ang aateta liasü.
Infosys board-i taküm CEO Vishal Sikka-i aniba telok dak temulung achiba indang metetdaktsüogo kechiba süra parnoki company-i lateta yutsüba alizüng tongtet.
Taoba küm takok manguba indang jembidang, Seshasayee-i, IT industry nung maongka aser tetsükdaktsü ajurubatem tamakok ajanga sayur, ta ashi.