Injang khaloktsüba tatalokba DALT-i aitsür

Dimapur, June 07 (TYO): NDPP Secretary General, Abu Metha aser PRO to Hon’ble Chief Minister Nagaland, Rusemdong Longkumer na kima mejangjaba nisungtemi injang khaloktsüba atema Dimapur Ao Lanur Telongjem (DALT)-i kanga tebilemtsü akar, ta tanü DALT President Aotemsu Aier aser General Secretary, S. Pangertoshi nati sangdong ka nung metetdaktsü.
“Iba ama tasümait mapaji DALT-i sashia aitsür; sensotem amokmerenba aser anema inyakba mapatemji onoki repranga dangbo meyutsütsü,” ta sangdong nung shia lir.
“DALT-isa bushisüngdangba agency dang iba ama ozüng alema tasümait mapa inyakertemji aputsü aser parnok asalentong jungkai adokja temerenshi agütsütsü atema inyaktsü mepishir. Sensotemi yimjung atema kanga meranga inyakba jenjang iba ama kiralongra ajanga raksatsür, anungji item ama mapa tamajung yabo ajaki aitsütsüla,” ta parnokisa metetdaktsü.