Inner Line Reserve Forest Rongchii 12 nü asadangtsü

Guwahati, Rongchii 10 (Agencies): Inner Line Reserved Forest koba ajanga Assam aser Mizoram na arrtsü latettsür iba tesem ya Rongchii (April) 12 nü Assam aser Mizoram nungi ketdangsertem aser lokti tentet balalai külemi asadangtsü asoshi renema lir.
Inner Line Reserved Forest ya square kilometres 509 lir aser Assam o Mizoram napronglai atsünga aita lir, ta osang ka ajanga metetdaktsü. Iba committee ya Cachar chief conservator of forest Dr Vinay Gupta aser Mizoram Central Circle conservator of forest Lalthlamuana Pachuau na lenisüba kübok inyaksangshir aser iba committee senden ya Tentonü Cachar district kübok Dholai tesem nung kaogo. Inner Line Reserved Forest nung ali atsünga arua aliba ken o ya asadangtsü asoshi committee-i telemtetba agi.
Iba senden nung Kolasib DC R Zarzosanga, Kolasib SP Abhishek Dhania, 1st IR Bn. commandant HL Thlangzuala, Mizo Zirlai Pawl nungi züngsemtem, Vairengte joint village council tir Zalalalawta, Kawrthah DFO, Kolasib DFO aser Vairengte SDPO. Assam nungi teshimtetba pur rongnung DIG (SR) D Ipadhaya, Hailakandi DC, Hailakandi SP, Cachar aser Hailakandi DFO, Cachar Additional DC, Katicherra SDO (Civil) aser lokti tentet balala nungi züngsem pongu dena liasü.
Committee puri Bairabi tesem nung Zophai nungi tenzüka Inner Line Reserve ya asadang tenzüktsü aser iba tesem nungi Phaisen, Vairengte, Lailapur, Aitlang tesem semdangyonga aotsü lemtet.
Ministry of Home Affairs (MHA) joint secretary Satyendra Garg lenisüba kübok Metsüremi (March) 28 nü Zophai nung senden ka akaba sülen iba committee nem arrtsü asadangtsü asoshi nonglokja liasü. Arrtsü asadangba maparen Rongchii (April) 30 nü tashi nungbo tembangtsü asoshi tetuyuba agütsüogo.