INPT-i NRC atema Supreme Court nung ken o benoktsü

Agartala, Mongputeni (October) 19 (Agencies): Assam ama Tripura nung National Register of Citizens (NRC) ka yanglutsü atema takhangba agüja mapa inyaka arur aser Indigenous Nationalist Party of Twipra (INPT)-i iba ken o Supreme Court nung benoktsü sentong atonger.
Tripura nung jenjang yanglushitsü atema regional party INPT-i state nung NRC mapa inyaktsü meranger aser parnoki Supreme Court nung iba atema ken o benoktsü.
INPT lennirtemi Union Home Minister Rajnath Singh dena Centre nung minister tongtipangtem den ajurutepogo.
INPT party president Bijay Kumar Hrangkhawal aser Jagadish Debbarma nati anir lennirtemi Congress lennir tejen aser taoba Union Minister Salman Khurshid den-a ajurutepogo.
Iba ken o Supreme Court nung benoka jembidang pai sen poisa ka danga magii jembitsütsü ta Salman Khurshid-i nangzük ta INPT osang ka ajanga ashi.
Paisa INPT lennirtem dang aremzüka atatsü aser mapang shitak alangzüktsü atema ashi, ta parnokisa shisem.