Inspector General of Prisons Kedi Angami den tepila sentong agi

Kohima, February 28 (TYO) : February 28, 2017 nü Prison Department-i Inspector General of Prisons, (I.G.Prisons) Nagaland, Kedi Angami den tepila sentong ka ayonga agiogo.
Kedi Angami ya 1982 küm Assistant Jailor mapa inyaka tenzük. Iba sülen mapalem balala aika nung inyaka aser promotion anguba sülen, mapa irr Prison Department nung küm 35 junga, mapang agi mapa nungi anentsüsa aküm nung pa I.G.Prisons, Nagaland nungi anener.
Pa den tepila sentong nung Nagaland nung aliba jail shia nung inyakertem, Prison Service Association Nagaland (PSAN) aser Directorate staff tem arua aden.
Director General of Prisons, Civil Defenses & Home Guards, Nagaland, Rupin Sharma IPS-i, Kedi Angami ji mapa nung terenem nisung ka lir. Koda kechi nüngdaker item ajakji pai inyaker ataba ajanga mapa nung tamakok maludaktsü, ta pa tenüng sanga ashi.
Kedi Angami-i tepila o jembidang, tepuokdak tesem tali tajungba küma yanglutsü aser tepuokdak alirtem tajungba küma melenshidaktsütsüsa inyaktsüla, ta kerdangsertem ajungshia liasü.