Instagram nung Selena Gomez sülen anidaker million 110 jungogo

February 18, 2017 (Agencies): Selena Gomez teinyaktsü mapa jenti liaka, lai lar medemer den otsü atonger amai Instagram nung la noksa maneni enoker.
Arishi küm 24 tain kentener, Selena indang Instagram sülen anidaker nisung million 110 ajungba asoshi lai la indang noksa ka nung “110 asoshi kanga pelar,” ta zülur Instagram nung sayu.
“Ni iba sabang (Instagram) ya maneni kümzüka ayutsü aser ochi jembitsü nangzüker, saka ajak rongnung tongtibangbaji, nenoki kü taküm melenshitsü. Nenok ajak dang kanga pelar,” ta lai zülusem.
Gomez aser Kygo külemi atenba, “It Ain’t Me” ken sayar mapang talangka melii la sapur million 110 ya ajung.
Selena Gomez ya tang The Weeknd den medemer.