Intanon aser Kuncoro nati takok marok angu

Singapore, April 17 (Agencies) : Thailand nungi nüngtugu badminton asayar Ratchanok Intanon-i tan takok anguba dena Superseries asem tashi nung atonga atonga takok nguogo.
Deobarnü lai Singapore Open final asaya nung China tsür world No.14 Sun Yu madak 18-21, 21-11, 21-14 agi takok ngua iba asayamong nung temaba jenjang nguteta liasü.
Arishi küm 21 tain, Intanon aser Sun Yu na tan agi trokben asayaba nung lai Yu pongubenbuba akokerba lir.
Iba takok anguba ajanga la world no 1 akümtsü.
Tan World no 2 jenjang nung alila Intanon-i April 3, 2016 nü Indian Open aser taoba hopta Malaysian Open asayamongtem nung takok ngua lir.
March 31, 2016 nü la world no 5 jenjang nung liasü, ajisüaka la tang ya No 2 jenjang nung lir aser taruba hopta world no 1, Spain tsür Carolina Marin ajatettsü.
Intanon-i, “Tanü ni anisüngzüker. World No 1 akümtsüji kü nükjidong liasü. Ni Olympics nung asayatsü jangrar. Ni Thailand atema gold medal bener aruner,” ta takok anguba sülen ashi.
Ano tebur tarensen nung Indonesia nungi world No. 56 Sony Kuncoro-i gondha ka sür minute asem tsüngda nung world No.10 Son Wan madak 21-16, 13-21, 21-14 agi takok angu.
Tebur tarep asayaba nung China nungi world no 4 Fu Haifeng aser Zhang Nan nati minute 40 tsüngda nung Japan nunger Takeshi Kamura aser Keigo Sonoda na madak 21-11, 22-20 agi takok angu.
Tebur aser tetsür tarep asaya nung South Korea nungi Ko Sung Hyun aser Kim Ha Na natia minute 40 tsüngda nung China nungi Chen aser Ma Jin na madak 21-17, 21-14 agi takok angu.
Ano Tetsür tarep asaya nung Indonesia nungi Nitya Krishinda Maheswari aser Greysia Polii nati Japan tsür Misaki Matsumoto aser Ayaka Takahashi na madak takok angu.