Intanon o Momota nati India Open takok marok agizüker

New Delhi, April 03 (Agencies): Thailand tsür, Ratchanok Intanon-i China tsür, Li Xuerui final asaya nung tsükdakja India Open Superseries badminton asayamong tetsür singles takok marok tanü, Deobar nü agizükogo.
Taoba champion, Intanon-i minute 42 nung points 21-17, 21-18 ngua taoba Olympic champion, Xuerui madak takok angu.
Intanon-i Xuerui den 11 ben tashi ajurutepa asayadang tan agi 4 ben buba takok angur lir.
Intanon-i küm 3 tejaklena Germany tsür, Juliane Schenk final asaya nung tsükdakja India Open takok marok agizüka liasü.
Ano külen, Japan nunger Kento Momota-ia Denmark nunger Viktor Axelsen madak final asaya koka tebur singles takok marok agizükogo.
Momota-i points 21-15, 21-18 ngua Axelsen final asaya nung tsükdaktsü.
Tan takok marok agizükba ya Momota-i Superseries takok marok 4 buba agizüker lir.
Momota-i yaküm, 2015 küma BWF Superseries Masters Finals, Indonesia Open aser Singapore Open takok marok agizükba osang jangjaogo.
Japan tsür, Misaki Matsutomo o Ayaka Takahashi natia minute 57 nung points 21-18, 21-18 ngua külem sensotsür, Naoko Fukuman o Kurumi Yonao na madak takok ngua tetsür doubles takok marok agizüka liasü.
Ano, China asayar, Lu Kai o Huang Yaqiong nati points 21-13, 21-16 agi Indonesia asayar, Riky Widianto o Puspita Richi Dili na koka mixed doubles takok marok agizük.
Indonesia nunger Gideon Markus Fernaldi o Kevin Sanjaya Sukamuljo natia points 21-17, 21-13 ngua külem sensopur, Angga Pratama o Ricky Karanda Suwardi na final asaya nung tsükdakja tebur doubles takok marok agizüka liasü.