Intensified Diarrhoea Control Fortnight (IDCF) alitsü

Dimapur, July 24 (TYO) : July 27, 2015 anepdang 6:30 ako nung Health & Family Welfare Minister, P. Longon-i Intensified Diarrhoea Control Fortnight (IDCF) tenzüktsütsü.
Iba sentong ya Department of Health & Family Welfare ajanga ayongzüker aser July 27 nungi August 8, 2015 tashi amungtsü.
India nung kümshia tanur lakh 2 shi diarrhoea ajanga asür aser tasürtem rongnung timbaka chiyungtsü junga machirtem aser küm ana teküpok aliba tanurtem dang liasü. Iba khuret koktettsü nükjidong nung 2014 nungi Intensified Diarrhoea Control Fortnight (IDCF) amungtsü tenzük, ta Dr.Sukhato Sema, Mission Director, National Health Mission, Nagaland-i sangdong ka ajanga metetdaktsü.
July 27 nungi August 8, 2015 tsüngda childhood diarrhoea nung ORS aser zinc amshiba, diarrhoea management service provision, ORS- Zinc corners lapokba, ASHA ajanga ORS & Zinc alemba, undernourished children ajiteta parnok anepaluba aser Infant & Young Child Feeding (IYCF) activities nungertem inyaktsü, ta paisa ashi.
IDCF mapang arishi küm 5 teküpok tanur alir kibong nem ASHA ajanga ORS agütsütsü aser diarrhoea agi shiranger aliba kibongtem nem ORS & Zinc tablets agütsütsü.