Inter-dept. Badminton Pughoboto nung asayaogo

Dimapur, August 16 (TYO): 5buba Inter-departmental Badminton asayamung Pughoboto nung August 12 nungi tenzüka 15 nikongtsütsü tashi asayaogo. Iba asayamung nung telok 16-i shilem agi aser PWD department-i kokogo.

PWD department nungi asayar Jhon aser Botovi nati Agri department nungi asayar Ghushiha Wotsa aser Shekuto Wotsa na straight set nung akok. Asayamung nung referee tongtibaji GHS Pughoboto, Physical teacher, Hokiqhi liasü. 71 buba Indian Independence day amongba nü local ground nung nikongtsütsü sentong ka nung ADC, Pughoboto, Avelu Ruho-i takok angurtem nem sempet agüja liasü.