Inter dist. Volleyball asayamung Organizing Committee senden amen

Kohima, Metsüremi/March 16 (TYO): Taruba All Nagaland Inter District Volleyball asayamung Organizing Committee senden ka tanü DBs Hall nung menogo, kong sub committee ajak dena liasü.
Iba senden ya organizing committee convenor Shaying Sheu lenisüba kübok agi aser asayamung takok ngua asayatettsü asoshi onük balala benoka sensaksemogo.
Iba asayamung ya Kohima District Volleyball Association-i ayongzüka asayatsü, koba March 30 nü nungi April 2 nü tashi Kohima Local Ground nung asayatsü renema lir.
Kasa mapang nung taruba senden March 23 nü nikongtsütsü 3:30 ako nung amentsü asoshi lateta yuogo aser committee balala nung züngsemtem ajak iba senden nung arua adentsü metetdaktsüogo.