Inter Media Publicity Coordination Committee senden liogo

Dimapur, August 5 (TYO) : Bodbarnü Doordarshan Kendra Kohima nung Central aser State Media Units tsüngda ita shi agiba Inter Media Publicity Coordination Committee (IMPCC) senden liogo.
Iba senden nung medenji Director Engineering All India Radio Kohima liasü aser pa ya IMPCC, Nagaland nunga mendenbuba lir.
July 11 nü World Population Day amungba nüngtem nung taoba ita indang omenji “Stabilize Population; minimize misery” liasü aser iba dak sendakba nung sentongtem agiba osang tanü metetpela.
Tanü senden nungsa Twitter, Facebook amala social media network kanga amshiba aser item ajanga osangtsüsang belenshiba indang onük benoka lemsatep aser iba dak sendakba nung DDE, DDK Kohima, P U Mohapatra-i AIR o DDK den Media telok ajaki tekaratiba nung pei indang website lapok nung junger, ta tebilemba ashi.
Prasar Bharati tetuyuba kübok tanü High Level Co-ordination Committee ka tentetogo aser iba luden nung mendenbubaji Director Engineering, AIR Kohima lir.
Iba teshimtet telok yagi AIR aser DDK division dak sendakba maparen ketdangsütsü.
August 1 nungi 7 nü tashi Breast Feeding Week amungba nüngtem nung IMPCC-i tan ita “Breast feeding is not a choice, it is a responsibility” omen nung mamatzü jemdaktsüba indang sentongtem agitsü telemtetba agi.
Tanü senden nung AIR, DDK, DFP, DAVP, aser PIB Kohima nungi ketdansgertem aden aser taruba ita IMPCC sendenji September 8 nikongdang 1:00 ako nungi All India Radio, Kohima nung alitsü.