Inter-School Basketball Tournament 2017 temogo

Dimapur, March 18 (TYO) : March 18, 2017 nü CHSS moapu nung Christian Higher Secondary School-i ayongba, Küm 50 jongmung, Inter-School Basketball Tournament 2017 final asaya nung Holy Cross Higher Secondary School Dimapur-i 38-37 agi tayonger, Christian Higher Secondary madak takok angu.
Iba asaya nung ‘Most Valuable Player’ sempet Holy Cross Hr. Sec. School, Dimapur nungi Keneingutuo-i angu aser CHSS, Dimapur nungi Tovika-i ‘Most Promising Player’ sempet angu.
Iba asayamung ya tesüiba mapang CHSS, Dimapur nung zünga alisang Deputy Intelligence Officer, Rovi Sangma tongti tesemdanger süa lapoktsü.
Pai, saisapong ajanga asen temang yakyaka lidaktsüba dang masü saka asen sasa asen azüoka alitsü sayur. Asayar ajaki takok mangutsü, ajisüaka nai tobur junga asayaba ajanga tangari na saputsü, ta asayartem ayongzük.
Godavari Institute of Engineering and Technology, Andhra Pradesh nung Senior Manager, Krishnamohan Raju-i takok anguba school nem takok marok agütsü aser CHSS küm 50 jongmung Planning Committee nung Convenor Gekhotso Haralu-i tanabuba jenjang nung takok angurtem nem marok angutsüba den anküp tepela o jembi.