Inter-State T20: Nagaland o Mizoram na final asayatsü

Dimapur, January 08 (TYO): Nagaland aser Mizoram telok nati tang tasayadak Inter-State Twenty20 (T20) asayamong final asayatsü jenjang tanü Hokolbar nü ajangzükogo.
Tan asayamong nung shilem agir telok asempronglai sako points, 4 angu saka Nagaland aser Mizoram nati league asaya nung net run rate tajungba ngua final asayatsü jenjangji angu.
Tanü mezüngbuba asaya nung Arunachal Pradesh teloki wicket 6 agi Mizoram telok madak takok angu.
Lathruaithung, Maria, Ram aser Bobby nungeri runs 30, 15, 11 aser 13 yangluba densema par teloki overs 20 nung runs 111 yanglu.
Tesülen, Kashi aser Jaideep nati runs 59 aser 16 yangluba densema par Arunachal teloki overs 14.5 nung runs 112 yanglua mezüngbuba asayaji kokadok.
Nagaland telokia runs 39 agi Arunachal telok madak tanabuba asaya akok.
Nagano, Aniezo, Akai, Gaurang aser Tahmeed nungeri runs 20, 14, 14, 11 aser 7 yangluba densema Nagaland teloki overs 20 nung runs 121 tashi yanglu saka Arunachal asayartemi overs 20 nung runs 83 dang yangluteta tanü tamakok ajuru.