Intermingle Club o Telongjem FC na semifinal-i iogo (1st semifinal Zonipang S/A Vs SSS Yellow na asayatsü)

Mokokchung, Oct 23 (TYO): Oct 23 nü tang tesaidak MDFA trophy yangi Imkongmeren Sports Complex Mokokchung nung 3rd quarter final asaya Intermingle Club o Y/A Marepkong na asayaba, Intermingle Club-i akok aser 4th quarter final asaya Telongjem F/C o Grand Elite’s S/C na tsüngda asayaba Telongjem FC-i kokogo.
Mezüng quarter final asaya Intermingle Club aser Y/A Marepkong na asayaba Intermingle-i goal 8-0 agi Y/A Marepkong madak takok tulu angu. Intermingle nungi Jersey No. 11 – Yhunshalo-i minute 13, 16 & 65 nung par telok asoshi goal 3 agüja pai hat-trick agia liasü.
Ano Intermingle Club nungisa Jersey No. 7 – Lipoksashi Jamir, Jersey No. 9 – Ninja Kabui, Jersey No. 18 – Limakümzük Ao, Jersey No. 10 – Bendangnükshi aser Jersey No. 12 – Sakutemjen Ao parnoki minute 31, 35, 78, 90 & 90+1 nung par telok asoshi penalty ka densema goal kaka idaktsü.
Tanabuba quarter final asaya Telongjem FC o Grand Elite’s S/C na tsüngda asayaba goal 1-1 nung draw asü, anungji, penalty metsütepba nung Telongjem FC-i Grand Elite’s pur tsükdaktsü.
Mezüng asayaba tesadang tashi nung telok anapronglai goal kata magütsüteti tematok. Saka tanabuba asaya tesadang tenzüker Telongjem FC nungi Jersey No. 8 – Nampy-i minute 65 nung par telok asoshi goal ka metsüoktsü. Aji sür, khenpika dang lirbo Grand Elite’s nungi Jersey No. 10 – Athing-i minute 78 nung goal kaji küptok. Aji sürbo telok anapronglai goal agütsütsü kanga merangaaka, shingaia goal magütsütet asaya mapang tembang.
Tiebreaker asaya nung mangatoktsü asüba agi, asaya ketdangsürtemi angatetteper indangindanga penalty ang metsüteptsü lemtet aser iba nung Telongjem FC puri goal 6-5 agi Grand Elite’s madak takok tulu ngua parnok semifinal asayatsü jenjang ajangzüktetogo.
Oct 24 nü nikongdang 1:00 ako nungi tenzüka yangi Imkongmeren Sports Complex nung mezüng semifinal match Zonipang S/A o SSS Yellow na tsüngda asayatsü. Oct 25 nüji tanabuba semifinal match Intermingle Club o Telongjem FC na asayatsü lemzükja lir.