International law anema inyak : China/Russia

Shanghai, Rongchii 14 (Agencies) : Syria nunger tebilemtsü ya yimtenren ajanga dang lateta yutettsü ama parnokibo bilemer, ta tanü Küptoknü China foreign ministry-i metetdaktsüogo. Parnokisa ashiba agi, Syria nung chemical amshia amak ta temulung malem bilembaji kecha tsütsüa mereprangi indang-indanga bushisüngdangtsü nüngdaker.
Iba olenji ministry tenüng nung ministry nungi otongdatsür, Hua Chunying-i osangbenertem den jembiba mapang metetdaktsü.
Tanü Honibarnü US, British aser French sepaitem longjemer missile 100 dak tema kaloktsüogo; ibaji anüolen tsütsü aliba kintem longjemer Damascus sorkar anema inyakba mezüngbuba asütsü.
Hua-isa ashiba agi, China nungeri teti ‘international relations’ nung tashiyim amshiba anema nokdaker aserbo United Nations Security Council majangi sepai tashi amshia inyakbajibo ‘international law’ nung lateta aliba anema inyakba maparen lir, ta laisa shisem.
Kasaji US, British aser French sepaitemi Syria anema apusoba maparenji ‘International Law’ anema inyakba maparen, ta Russia nunger ozüng yanglur katia metetdaktsüogo.