International Shooting Federation-i Abhinav Bindra tushiogo

New Delhi, 28 January (Agencies): Brehostibar nü International Shooting Sport Federation (ISSF)-i Olympic gold medal angur, Abhinav Bindra nem Diploma of Honour & President’s Button agütsüogo.
Delhi kübok Dr. Karni Singh Shooting Range nung Asia Olympic Qualifying Competition aliba mapang ISSF Tir, Olegario Vazquez Rana-i India nunger arishi küm 33 Abhinav nem sempetji agütsü.
Rifle kashishir mongin, Bindra ya Rio Olympics atema renemshidar aser quadrennial extravaganza nung pai linük atema quota ka ngutetogo.
Pai, Olympic atema bendanga agüja renemshidar, ta ashi.
“Ni kanga junga renemshidar. Training agitsü aser tokteptsü atema ni Germany-i aotsü aser coach den physiotherapist densema kü team yangji lir,” ta pai ashi.
Paisa, küm pezü tejaklen Lodon Olyimpics dang nungibo India-i 2016 Olympics atema team tuluba yokdar, ta ashi.
2008 Beijing Olympics nung Bindra-i 10 metre air rifle tetoktepba nung gold medal ngua nüngtugu aküm. Pa ya ISSF Athletes Committee nunga Mendenbuba lir.