Ahmedabad, Feb. 10 (Agencies): Bodhbarnü Congress-i, kiralongrar David Coleman Headley-i 26/11 Mumbai amakba indang jungkai adoka jembiba sülen Modi’er sorkari kechi mera agitsü (?) ta asüngdangogo.
Headley-i, India nung kiralongra inyakba nung Pakistan nunger Inter-Services Intelligence (ISI) aser Pakistan-i pusemba jungkai adoka jembiba dakji alaka kechi ali, ta Congress-isa ashi.
Congress general secy Digvijay Singh-i, “Nüburtemi Modi-Modi bendanglen, ta sashia jembir, ajisüaka Interational jenjang nung alima linüktem nungi teyari angutsüsa Ato kilonser Narendra Modi-i kechi inyaktet (?) ta asübaji tongtibang,” ta ashi.
India sorkari Headley anema ken o akaba ajanga temelung asür asü (?) ta asüngdangba langzüdang Singh-i, “Ni temelung asübaji masü, saka linük security ji Centre sorkar atema tongtibangtiba khuret, ajisüaka Gujarat chief minister inyakdang Narendra Modi-i sangdongba ama onoki tamendakdak makaba sangdong magütsür. Iba ya linük security onük lir aser iba nungji yimtenren tajangzük angutsü atema meinyaktsüla,” ta ashi.
Tawa CNN-IBN osang ajanga ashiba agi, NIA-i asüngdangyaba mapang Pakistan-American kiralongrar agent, Headley-i, kiralongrartemi Mumbai amakba sentongji Pakistan nung kiralongrar telok LeT-i yanglu aser Pakistan nunger ISI-ia iba sentongji pusema liasü, ta jungkai adoka shiogo.
You must be logged in to post a comment Login