International Tiger Day

International Tiger Day dang Global Tiger Day taka ajar, iba anogo ya kümshia July 29 nü alima ajunga nung amunger. Iba anogo nung Keyi koda wazüka aser kümzüka ayutsü item osangtemji alima ajunga nung sangdonga neburtem nem metetdakja amunger. WWF (World Wide Fund for Nature) aser IFAW (International Fund for Animal Welfare) nata lungjemer kasa anogo nung amunger.
2010 küm St. Petersburg nung ‘Tiger Summit’ senden nung ‘International Tiger Day’ amungtsü lemteta tenzük. 2022 küm tashi nungbo alima nung Keyi aliba dang nungi anaben agi teimba küma renlokdaktsütsü nükjidong nung tenzük. Aji oda süaka kar tain kümer süadoker, nisungtemi miima tepseter aser tsüngsang mopung melentepa ajanga-a aika süadoker.