International Yoga Day

Alima nung mezüngbuba ‘International Yoga Day’ amongdang India nunger-i ‘Guinness World Records’ (GWR) nung otsüsütsü tasen ana yangluogo.
Mezüngbuba nung, nisung timtibai tesem ka nung dang külemi longjemer shilem agiba ajanga liasü. Ibaji ‘Rajpath Yoga’ tesem nung nisung 35,985 tashi adenshia ‘International Yoga Day’ amungdang shilem liasü.
Tanabubaji, linük ka nungi kin tapu balala 48-i tesem ka külemi shilem agiba ajanga iba otsü tasen yangluteta liasü.
GWR sempetji Union AYUSH Minister, Shripad Yesso Naik-i Guinness World Records ketdangsertem nungi agizükogo.
November 19, 2005 küm Vivekananda Kendra-i anir Jiwaji University, Gwalior nung kasa sentong (Yoga) akadang school 362 nungi nisung 29,973-i shilem agia aliba otsü tasen yanglua aliba ibaji taküm International Yoga Day amungdang ajatetogo.
September 2016 tashibo iba otsü tasen yangluba ya GWR nung zülua malitsü, kechiba süra taküm küm atemabo idakji züluoktsü atema mapang süiadoker liasü.