New Delhi, January 26 (Agencies): Internet majung mesüra maliba tesem nungi süaka, Apple iPhone amshirtemi WhatsApp indang message yoktsü akoktsü. Iba sentong ya Android indang smartphone nungbo amshidar. Iba sentong ya Apple indang operating system, iOS atema tang tasenba WhatsApp ya inokba sülen amshitettsü.
iOS atema WhatsApp ya version 4.2017.0200 aser MB 107 lir.
WhatsApp tasenba amshirtemi internet maliba mapang message yokba ya internet anguba mapang pasasa aotsü.
Facebook meyong WhatsApp nung tawa sentong tasen ka tenzüka liasü aser iba ajanga iOS, Android aser Windows phone amshirtemi video call asütsü akoker. WhatsApp indang message ama, voice aser video calling ya, sorkar tentet balala aser agency balalai lapoka reprangtsü makoker.
Internet meliaka iPhone nungi WhatsApp messaga yoktettsü added by nungsang on
View all posts by nungsang →
You must be logged in to post a comment Login