Internet renloktsü asoshi temaba jenjang nung Nagaland lir

Kohima, April 21 (TYO): NE state tem rongnung Internet renloka aotsü nung Nagaland temaba jenjang nung lir.
Internet and Mobile Association of India (IAMAI) & Nielsen-i ‘Index of Internet Readiness of Indian States’ report nung, iba tarensen temaba jenjang nung Nagaland lir aser tanabuba aser tasembuba jenjang nung Manipur aser Tripura na lir, ta metetdaktsü.
Internet readiness index nung ya shilem pezü- e-infrastructure, e-participation, IT-environment aser government e-services dena lir aser shilem ajak kasa asadangogo, ta osang ajanga ashi.
Ano IT environment nunga Nagaland temaba jenjang nung lir; tanga telemsa nunga ajungba ajanga temaba jenjang ngutet.
“State tilatem rongnunga Internet renloktsü nung NE state tem jenjang ajema lir. Anungji tesem nung investment aser infrastructure nung terenlok nüngdaker,” ta AMAI and Nielsen osang ajangasa ashi.
e-Governance nung kanga junga inyaktetba atema tawa Computer Society of India (CSI)-i 2015-16 küm atema Nagaland nem CSI- Nihilent e-Governance Award agüja liasü.
National Information Infrastructure (NII) pilot project aliba state 7- Gujarat, Nagaland, Karnataka, Chandigarh, Kerala, Pondicherry aser Uttarakhand rongnung NII pilot project tenzükba mezüngbuba state ji Nagaland lir (Jan. 6, 2017).
NE tesem nung BPO (Call Centre) tulutibaji Nagaland nung lir (menden 400) aser mezüngbuba shilemji January 27, 2017 nü tenzüka liasü.
Award anguba sülen state-i inyaktetba tongti rongnung item ya lir: State Portal and State Services Delivery Gateway (SP&SSDG) core infrastructure project mezüng tenzükba state; kong State IT Department-i nija Data Centre Operator (DCO medeni State Data Centre inyaker; kong State-i nija company tem medeni Common Service Centre (CSC) atema Service Centre Agency (SCA) ama inyaker; aser NE nung Aadhar based Biometric Attendance System mezüngbuba inyakbaji Nagaland Civil Secretariat lir.