Internet Services nokdangba agientsü akhanger

Kohima, February 6 (TYO) : Kaketshirtem tatidang agitsü aliba nung ajemdaker Nagaland kübok tesem balala nungi sensotemi Nagaland sorkar, Joint Coordination Committee (JCC), Nagaland Tribes Action Committee (NTAC) aser tanga kin Hoho tem dang tangatettep kati arutsü aser tekaratiba nung Internet services nokdanga aliba lapoktsü mepishia metetdaktsüogo.
Text books dak alia kaketshirtemi internet service ajanga parnok lesson aser tanga tatidangtem indang temetettsütem bushir. Tanü putu nung internet ya kanga dang tongtipang shilem ka kümogo aser internet service nokdangba ajanga kaketshirtem tetsükdaktsü tulu ajurur, ta Chiru Thuzu-i osangbener dang ashi.
Anungji, Public aser tatidang agütsütsü aliba kaketshirtem indang tsüraburtem tenüng nung Internet services lapoktsü mepishir, ta paisa shisem.