Internet subscibe asür timtibaji Maharashta lir

New Delhi, November 20 (Agencies): Linük nung internet subscribe asür timtiba aliba state ji Maharashtra nung nisung million 29.47 lir, iba sülen Tamil Nadu, Andhra Pradesh aser Karnataka state tem lir.
Sorkar osang ajanga ashiba agi, 2016 March ita tashi nung India nung internet subscribers million 342.65 liasü. Maharashtra sülen tanabuba state ji Tamil Nadu (28.01 million), Andhra Pradesh (million 24.87) aser Karnataka (million 22.63) lir.
Ano state rongnung internet subscribers ishitiba aliba state ji Himachal Pradesh nung million 3.02 lir.
Data ajangasa, linük nung subscriber million 342 nungi shilem 67 bo India jila/yimtitem nungi lir. Ano India yimtsüngtem nung internet subscriber temji million 111.94 liasü.
Ano jila/yimtitem nung subscriber timtiba aliba state ji Tamil Nadu nung million 21.16 lir aser India yimtsüngtem nung subscriber timtiba aliba state ji Uttar Pradesh nung million 11.21 lir.
BharatNet project nükjidongji broadband ajanga linük nung gram panchayats ajak- lakh 2.5 sentaktepdaktsüner.
Iba project ya shilem asemsü lemer inyaktsü. Mezüngbuba shilem nung sangküm March ita tashi nung underground optical fibre cable ajanga gram panchayats lakh ka sentakateptsütsü.