Intex-i ‘Aqua Power II’ smartphone sayaogo

New Delhi, September 18 (Agencies): Handset yanglur Intex Technologies-i parnok indang aqua tarensen nung züngoka Hokolbar nü sen 6,490 alang ‘Aqua Power II’ smartphone sayaogo.

Iba phone nung five-inch HD display screen keta lir. Iba den külemi 1.3Ghz quad-core processor, 1 GB RAM aser memory 8GB ROM enokja lir koba 32GB tashi ulua kümtettsü. Aqua Power II nung Android Lollipop tasenba enokja lir aser 4,000 mAh battery ajanga tashi agütsür.

“Anükanüka amshitsü asoshi onoki yanglushiba Android Lollipop 5.1 operating system enokja lir. Iba phone ya tajungba aser tanga phone tem den tokteptettsü,” ta Intex Technologies nung mobile business nung tekolakba, Sanjay Kumar Kalirona-i ashi.

Phone tasenba tejaklen two-megapixel camera keta lir aser tesülen five-megapixel camera den LED Flash enokja lir. Ano jangratemtsü kaji iba phone tasenba nung “Cast Screen” keta lir aser ibaji ajanga phone nung aliba noksa aser video tem wire kecha mamshii television screen tulu nung ‘Chromecast’ ajanga reprangtettsü.

‘Air Shuffle’ inyakyima ka küma lokteper enokja lir aser ibaji ajanga screen nung metangshi yonga screen jakdang tekapu arakzüba ajanga phone amsitettsü.