Intex-i multimedia speaker ana sayaogo

New Delhi, November 07 (Agencies) : Linük nung mobile phone yangluba company Intex Technologies-i Hombarnü sen 5,700 aser sen 8,200 alangba multimedia speaker ana sayaogo.
Tang tasen sayaba speaker tem IT 6020 SUFB (5.1 channel) aser IT 9500 SUFB (2.0 channel tower) nung tereprangnütsü LED screen tem aser FM radio den television, DVD player aser computer tem den sendakteptsü asoshi USB/SD card reader aser AUX keta lir.
“Item oset ana ya ajanga tarutsü nung tamshirtem kanga ajangzüktsü onok teimla lir,” ta Intex Technologies nung Director aser Business Tekolakba (Consumer Durables & IT Peripherals) Nidhi Markanday sangdong ka ajanga metetdaktsü.
Item speaker tem ya kidang aser shishilembartem ajangzükba oset ka asütsü.