Intex-i sen 2,400 alang smartphone ka sayaogo

New Delhi, October 7 (Agencies) : Linük nung phone yangluba company Intex Technologies Hokolbarnü tan mezüngsüa sen 2,400 alang, “Aqua Eco 3G” smartphone sayaogo.
3G amshitetba inch 4 smartphone nung dual core Mediatek chipset processor, 256MB RAM aser 32GB küma amshitetba memory inokja lir.
“Aqua Eco 3G ajanga Intex-i nübur ajaki alitettsüsa sen dalang agi smartphone ka bener arutsür aser iba phone ya yimti tilatem dak rangloker yangluba lir,” ta Intex Technologies nung Product Head-Mobiles, Unnikrishnan Mohandas-i sangdong ka nung ashi.
SIM card ana amshitetba smartphone nungsa dual LED flash aketba 0.3MP camera inokja lir.
Iba smartphone ya tanak, temesüng aser anüng sentsü tem nungsa angutsü.