Intex-i tetsürtem atema smartphone ka sayaogo

September 14, 2015: India nung handset yanglur, Intex Technologies-i, sen 7,690 alang smartphone ‘Aqua Glam’ sayaogo aser iba phone ya tetsürtem atema atakteta adoktsüba lir, ta ashi.

“Intex-i tereprangtsü tajung aser aküm taket dak rangloker inyaker aser yamaji inyakteter. Tan atakteta adokba Aqua Glam ya yimti tem nung aliba tettsürtem dak rangloker yangluba lir aser iba phone ya tetsür mapa inyaker mesüra kidang alir ajak den tapet asütsü. Phone ajanga nüngdakba aika inyaktettsü aser mapa o libaliro na liro medemdaktsütsü,” ta Intex Technologies mobile business tekolakba Sanjay Kumar Kalirona-i ashi.

Aqua Glam nung apps kar tetsür atema atakteta enokja lir aser phone ya Android Lollipop OS ajanga amshir. Phone nung 1.3 GHz quad-core processor keta lir aser 1 GB RAM enokja lir.

Glam nung  4.7-inch HD display screen lir aser 1,850 mAH battery ajanga tashi agütsür. Iba den külemi phone tejaklen aser tesülen ajak nung eight megapixel camera enokja lir.