Invitional Hockey: India-i tamakok ajuru

Melbourne, November 26 (Agencies): India’er tebur hockey teloki goal 2-3 agi New Zealand telok nem kokdaktsüba ajanga par teloki tang tasayadak four-nation Invitational Tournament nung takoker telok mekümtettsüa jenjang tamajung tanü, Honibar nü ajuruogo.
Par teloki tanü tamakok anguba sülen 3 buba jenjang atema Malaysia telok den tan Deobar nü asayatsü.
Tanü asaya nung Rupinder Pal Singh-i minute 18 buba aser 57 buba na nung India telok asoshi goal 2 tashi agüja, kanga meranga asaya saka tatem nung par teloki tamakok ngua liasü.
Nick Ross, Jacob Smith aser Hugo Inglis nungeri minute 47, 48 aser 57 nung goal kaka agüja, par New Zealand telok nem takok ngudaktsü.