iphone alitsü atema jala ayoker ka tepoukdaki yok

Beijing (China), March 09 (Agencies): Nisung kati iPhone alitsü atema online ajanga ita 18 jala ayokba atema küm asem tepoukdaki yokogo.
Southeast China, Fujian Province kübok Tong’an nungi nisung ka tenüng agi, A Duan-i social media site QQ ajanga par jalaji China sen Yaun 23,000 yong yoktok, ta People’s Daily Online osang ajanga metetdaktsü.
Tebursang jagi iPhone aser motorbike alitsü atema aji oda inyak.
Osang ajangasa ashiba agi, kinü tanur jala tetsü, Xiao Mei ji part-time mapa aika inyaker aser tebuji mapang timbaka internet cafes nung intoker.
Tena tanur agitsü tebilemba maliasü, aser tanur benlokdang tenaprong arishi küm 19 liasü.
Tanurji tebur kati par aianu atema alizüktsü. Tanur mesütettsüsa tsüraburji senotsü maliba ajanga tanurji tang tashi talizüker ket nung lir, ta Epoch Times osang ajanga ashi. Tanur ayokba sülen Mei ji Tong’an jila nungi ajen, ajisüaka police-i apu.
Mei-i police dang, “Ni-a tangari ‘adopt’ asü, aser ozü jila nung nisung aikati pei tanur mesüdaktsütsü atema tangar nem agütsür. Iba ya ozüng alema ta ni memeteti liasü,” ta ashi.
Mei küm ana ser tesadang anentsü aser la kinüngbu A Duan küm asem ta tepukdaki yokogo.