iPhone küm ter buba mejaklogogo, tajungtiba arutsü lir: Tim Cook

New Delhi, January 09 (Agencies): Steve Jobs-i January 9, 2007 nü “Tanü Apple-i phone tasenba yanglushitsü, aser ya lir,” ta Macworld nung sentepa alir lokti tang shir, mezüng yangluba iPhonenung sayaua liasü.
Tanü company ajanga ‘gold standard’ ta ajaba smartphones-iPhone küm 10 jungogo.
iPhones ajanga khen nung oset asem yanglutetba ajanga phone tem rongnung temelenshi bener aru- “touch controls aser screen tulu keta aliba iPod, temelenshi aketba mobile phone aser internet amshiba device.”
Apple ajanga mezüng iphone sayaba sülen tang tashi nung iPhone billion ka tak tali yoka lir.
“iPhone ya costumer taküm nung kanga tongtibang shilem ka lir, aser tanü iba ajanga communication, entertainment, mapa aser taküm nung temelenshi balaka bener arutsüogo,” ta Tim Cook-i metetdaktsü.
“Küm ter tsüngda nung iPhone ajanga alizüng tasen ka tongteta liasü aser tang ang tetenzüker lir. Tajungtiba arutsü lir,” ta Cook-isa shia liasü.
Apple ajanga iPhone model aika sayaogo: iPhone 7, iPhone 7 Plus, iPhone SE, iPhone 6S, iPhone 6S Plus, iPhone 6, iPhone 6 Plus, iPhone 5, iPhone 5S, iPhone 5C, iPhone 4S, iPhone 3 aser anu aika lir.
“iPhone ajanga asenoki koma ola aser FaceTime call asür, koma Live Photos aser 4K videos agia lemsar, koma ken angar, asenoki social media koma amshir, game koma sayir, koma jaka tasen sayur, asenoki oset aliba koma menoker, asenoki website balala aser email koma amshir, contact aser calendar koma amshir, TV ajir, movie aser saisapong repranger aser asenok anema alitsü asoshi temang koma anepalurtsu, item ajak sayur. iPhone nung item ajak lir. Aser ni amanger, asenok tang ang tenzüker,” ta Apple intang worldwide marketing nung senior vice president, Philip Schiller-i shia liasü.