IPL-10 indang logo sayaogo

New Delhi, February 21 (Agencies) : 10buba Indian Premier League (IPL) indang logo tanü Mongulbarnü sayaogo.
Logo nung küm ter ajungba temaitsü züngdangba 10 inoka lir aser züngdangba 10 tiyong nungji nisung kati bat agi Vivo aser IPL ta zülua alibalen ball zükoktsür mezükba noksa ka inokja lir.
Sen kanga talubusa amshiba asayamung ya April 05, 2017 nü nungi tenzüka asayatsü sentong renema lir.
Celebrity aser nüngtugu nisungtem aika adenba iba league asayamung ajanga VIVO IPL Trophy yimti aika nung jangratema asayaba nüburtem nem ajangshidaktsütsü.
Linük kübok yimti 38 tashi nung IPL fan park tem lapokba ajanga cricket sapurtemi stadium nung oa mener asaya repranger amai tajangshiba balaka angutsü.