IPL 2016 asayamong mera keta lapokogo

IPL 2016 cricket asayamong lapokba sentong nung Katrina Kaif, Ranveer Singh aser Jacqueline Fernandez nungeri shilem agiba noksa nung angur. (Mumbai, April 08)

Mumbai, April 08 (Agencies): Mumbai kübok Wankhede Stadium nung sentong tajung agia 9 buba Indian Premier League (IPL) cricket asayamong kanga mera keta tanü, Hokolbar nü lapokogo.
Tanü sentong nung Bollywood actress, Katrina Kiaf; West Indies all-rounder, Dwayne Bravo; Bollywood actor, Ranveer Singh; India nunger rap kentener, Yo Yo Honey Singh aser alima ajunga nung nungtugu electronic kentener telok, Major Lazer nungeri kangasa junga shilem agia sentepa alirtem puoadakja liasü.
Tesülen, tan asayamong nung shilem agir telok 8 nungi captain-temi MCC Spirit of Cricket Pledge tenangzükba agia sentongji tembang.