IPL 2016: Bravo-i T20 World Record yanglur

Mumbai, April 12 (Agencies): Tang tasayadak Indian Premier League (IPL) 2016 cricket asayamong nung Trinidad & Tobago nunger Dwayne Bravo-i Twenty20 (T20) cricket asaya otsü tasen ka yashi, Hombar nü yangluogo.
Kings XI Punjab telok den asayaba IPL asaya nung Bravo-i par Gujarat Lions telok tenüng nung runs 22 agüja wicket 4 tashi agia kanga junga asayaba sülen Bravo T20 cricket asaya shilem nung wicket 300 dak tema agir mezüngbuba asayar küma otsü tasenji yanglu.
Bravo-i asaya 292 buba nung iba otsü tasen ya yanglur lir. Pa sülen anidaka, Sri Lanka nunger Lasith Malinga-i asaya 221 nung wicket 299 tashi agia tanabuba jenjang ngua lir.
T20 asaya 300 tashi nung shilem agisang, külem sensopur, Kieron Pollard sülen anidaka, Bravo T20 asaya timba nung shilem agir asayar tanabuba kümogo.
Bravo-i tan asaya nung wicket 4 tashi agiba sülen T20 asaya nung 7 buba wicket 4 agir asayar küma, T20 asaya ka nung wicket 4 timba agir asayar 6 buba akümer lir.
Ano, IPL asayamong nung wicket 100 dak tema agir asayar rong nunga Bravo-i tanabuba jenjang nguogo.
Bravo-i IPL T20 asaya 92 nung shilem agiba sülen ajak agi wicket 109 tashi agia lir.