IPL 2016:SRH-i 8 runs agi RCB koka takok marok nguogo

New Delhi, May 29 (Agencies) : M Chinnaswamy Stadium Bengaluru nung IPL 2016 asayamong final asaya Sunrisers (SRH) aser Royal Challengers Bangalore (RCB) na tsüngda asaya liasü. Toss SRH-i koka mezüng batting asütsü shim aser parnoki over 20 nung nisung 7 our ser runs 208 yangluteta yutsü.
Anungji RCB atema parnoki yangluba runs meneptsü atema kanga temelabo masü asü. Gayle, Kohli aser AB de Villiers nungeri junga asayatet nung dang takok angutsü teimla liasü ajisüaka parnok asempronglai bilemba ama junga masayatet.
Gayle-i ball 38 nung runs 76 tashi yanglur out asü aser captain, Kholi-i runs 54 yanglu, ajisüaka de Villiers-i runs meyanglutetba aser parnok wicket kanga kara out asüba ajanga parnoki iba asaya makoktsüsa aküm.
SRH nungi Ben Cutting-i ball 15 nung runs 39 yanglu aser bowling asüdanga Gayle aser KL Rahul na wicket agi. Par telok nungisa David Warner-i ball 38 nung runs 69 yanglu aser Dhawan-ia ball 25 nung runs 28 yangluba ajanga SRH-i iba takok tulu angu.