IPL T20:Süngjemba ajanga takok angur:Dhoni

Pune, April 22 (Agencies) : Tang tasayadak Indian Premier League (IPL) T20 asayamung mapang tanü Honibarnü Rising Pune Supergiant aser Sunrisers Hyderabad na tsüngda asaya. Iba asaya nung Sunrisers Hyderabad-i 176/3 (20) yanglua yutsü, saka Rising Pune Supergiant-i over 20 nung 179/4 yanglua wicket 6 agi takok angu.
Sunrisers Hyderabad nungi David Warner runs 43, Shikhar Dhawan-i 30, Kane Williamson-i 21, Moises Henriques-i 55 (not out) aser Deepak Hooda-i 19 (not out) ta yanglu.
Iba sülen Rising Pune Supergiant telok nungi Ajinkya Rahane runs 2, Rahul Tripathi-i 59, Steve Smith 27, Mahendra Singh Dhoni-i 61 (not out), Ben Stokes-i 10 aser Manoj Tiwary 17 (not out) ta yanglu takok angu.
Dhoni-i Rising Pune Supergiant iba asaya nung ball tatembang tashi anir asayaba sülen wicket trok agi taoba küm takok ngua aliba telok madak takok anguba sülen pai, tanga teloki yanglua yutsüba runs arishia asadang takok angutsü sabiji asen süngjemshiji lir, ta ashi.
Dhoni-i ball 31 nung runs 61 (not out) yanglu aser paisa, run rate aika angudang ni aoksaa mebilemer. Par bowler temi ball koma aoner aser bat asürtemi pei maongka koma agir iba dakji tuluka keta lir, ta ashi.
“Run rate aika süaka metongtettsü ta mali. Run rate 7, 8, 9 mesüra 10 ngua aliyong kecha masü. Aseni süngjema asayara takok angutsü,” ta iba asaya nung Man of the Match angusang, Dhoni-i ashi.