IPL: Virat Kohli-i otsü tasen yanglur

New Delhi, May 07 (Agencies): India Test captain, Virat Kohli-i tanü, Honibar nü century yanglua par Royal Challengers Bangalore (RCB) telok tenüng nung kanga junga asayba sülen tang tasayadak Indian Premier League (IPL) asaymong otsü tasen ka yangluogo.
Kohli-i tanü asaya nung runs 108 yangluba ajanga par RCB teloki Rising Pune Supergiants (RPS) telok madak wicket 7 agi takok anguba den külemi, pai asayamong ka nung tekaratiba mapang nung runs 500 yanglur asayar küma otsü yanglu.
Tanü asaya nung fours 8 aser sixes 7 yanglusang, arishi küm 27 tain Kohli-i asaya 4 nung Twenty20 (T20) runs 200 yanglur asayara tanü akümer lir.
Kohli-i taoba April ita 24 nü Gujarat Lions telok den asayaba asaya nunga century yanglua liasü.